Red Dingo精品不鏽鋼食物碗上市
最新Red Dingo出品不鏽鋼食物碗現正上市！
食物碗採用一體化成型，不容易藏污以及不容易打翻 ，現有小及中型尺寸可供選購~
_________________
S size
16 x 16 x 5cm, 330ml
售價： HK$260
M size
22 x 22 x 7cm, 900ml
售價： HK$300
有意訂購Red Dingo食物碗請留言或e-mail到 bebe@lolo-studio.com 查詢!
鞋…
早前皮藝習作做了好些小鞋子，貪玩地給BeBe穿起了…BeBe變得好唔就開心呢！睇黎佢都唔係咁適合穿鞋子喇！
狗狗龍捲風—Nina Ottosson Dog Tornado Plastic
今次介紹另一款Nina Ottosson皇牌玩具—Dog Tornado Plastic狗狗龍捲風，Dog Tornado Plastic曾取得08年Glee Awards，獲得各界一致好評！與早前介紹同廠產品Dog Smart不同，狗狗除了需要用口擔外，還需用手及鼻子推動轉轉盤才可取得零食，真是有點考起阿Be呢！
轉跳後有更多相片及影片→
眼瞓到喊~>”<~
午飯過後真係眼瞓到喊~!好眼瞓呀！
Nina Ottosson瘋狂小食球Dog Dizzy
有朋友希望購之前介紹過Nina Ottosson出品的Dog Pyramid，但看過他們迷你種狗狗的大小後便覺得Dog Pyramid對牠們似乎稍為大了點，其實同樣玩法的玩具還有同廠出品的Dog Dizzy，Dog Dizzy特點在於玩具有著擁有重量的平面底部，非常容易的靜止下來，不似得坊間一般相類似的玩具，往往玩一玩就會碌到老遠@_@，
本網站有提供訂購Nina Ottosson寵物益智玩具服務有興趣的話請留言或e-mail到 bebe@lolo-studio.com 查詢!
Dog Dizzy玩法→ Read more
嚇死狗朋友…Dopey BB
【回帶系列】5月尾6月初的時候，家中來了一位新朋友，就是4個多月大的Poodle BB Dopey仔，Dopey仔仔與BeBe有著截然不同的性格，常常跑跑跳跳，拿手好戲是PrisonBreak，任憑欄干有幾高牠也會爬上去，當然能否從高處下來又是另一回事XD
•被嚇餐死嘅BeBe與Dopey
本以為新加入一隻狗狗有助BeBe與其他狗狗相處，尋不知Dopey仔性格熱情非常，持住自己手拿幼犬護照就四圍用咀仔“咪”人，可憐的BeBe被嚇得死去活來，這個實在始料不及，看來之後又有一段長時間要幫BeBe做對狗減敏了！
另外因為Dopey仔未受訓練的關係，所以很多指令仍未學懂，剛好這幾星期會上狗狗訓練班，所以就換了用Dopey仔做Clicker Training功課了!正向訓練真好，教狗狗不用勞氣^__^
試食鮮寶漢堡2
上回題要講到鮮寶活力漢堡一袋八件真空包裝，睇落好似上海名菜…獅子頭！以BeBe體重6kg左右，廠家建議食量為每天一件漢堡，分早晚餵，磅一磅每件漢堡大概重100g，咦？每日食100g即是比平日餵的份量少足足一半？其實會唔會太少呢？
事前問過鮮寶同事，原來鮮寶漢堡經已預先煮熟，所以食前只需放入微波爐加熱兩分鐘，以BeBe每餐食半件漢堡來說，需要事前切開一半，但漢堡經已雪到變冰嘅時候又很難切開，最後只好整件放入微波爐加熱才能分開一半，另一半再次放入冰格留待下一餐，但這樣加熱又再雪凍，會否容易滋生細菌呢？似乎又是一個問題！此外漢堡太大件放在微波爐加熱後外層變得乾乾的，建議日後漢堡可製成小粒狀，容易調較份量、加熱均勻又衛生！
味道方面鮮寶漢堡加熱後總是散發出一陣淡淡的藥材味（我諗係掛），講真自己聞到真係唔多開胃！不過對BeBe來說尚算吸引！而餵食方面我通常都係加熱完跟手整碎再放至室溫先俾BeBe食，多數這段時間BeBe經已跑來跑去顯得非常焦急的樣子，非常搞笑！
BeBe您係覺得鮮寶漢堡好香定係唔鍾意我影您想呢？XD
下回再談BeBe食用鮮寶漢堡後的改變…
試食鮮寶漢堡1
相信有留意開寵物雜誌廣告嘅朋友一定會留意到鮮寶狗糧嘅廣告，因為好多時都見到同一個廣告重覆幾次，所以甚為癢眼，但早期可能因為新鮮或供貨量問題(有錯請指正!)一直都唔多覺有零售嘅店舖，加上新出嘅狗糧身邊還未有朋友的狗狗試過，少不免為這個標磅天然、新鮮、含草本元素及香港製造的鮮寶狗糧帶來一份神秘的感覺。
鮮寶除了粒裝狗糧外，近日還推出了制作過程中未經過任何風乾或脫水的鮮寶漢堡，用意使到除了所有營養和味道得以百份百保留外,更容易被狗狗吸收！得到鮮寶嘅贊助及初步嘅評估，為食嘅BeBe今次有機會一試依款新出嘅鮮寶活力漢堡，為期一個月… 
收到漢堡第一個感覺就係…依個之唔係上海名菜…獅子頭？
乜唔係漢堡咩？可能食得漢堡太少，心目中嘅漢堡似乎唔係咁嘅形狀，而包裝方面廠家運來的是採用了真空包裝，一袋八件，內附防潮劑一包，包裝除了手寫一個”活”字外就沒有其他標示，大概係散裝或試食裝關系，若果真正售賣版本嘅包裝都係咁樣，似乎過於簡單呢！如果多點狗主關心的成份資料或食用指南應該會更好！
既然廠家無提供活力漢堡嘅成份，咁自己上網找找看啦！但似乎相關資料好似無乜，咁唯有以粒裝嘅鮮寶活力配方做參考啦！
成份如下：鮮牛肉，鮮羊肉，脫水蕃薯，鮮胡蘿蔔，鮮椰菜花，鮮西蘭花，鮮番茄，鮮龍利柳，亞麻籽油，鮮蘋果，大棗，沙苑子，脫水粟米，黃精，蟲草，金倉魚油。產品絕不含Menadione (K3)和 Ethoxyquin
我諗當中脫水乜乜果D可以Delet掛！因為先前經已講明無風乾同脫水嘛！
似乎太過長氣…下篇再談鮮寶漢堡食法等等！
一袋八件真空包裝嘅獅子頭…吖！係鮮寶活力漢堡至啱！
26 Bars & a Band精品伸縮狗帶
對於平日帶狗散步都要襯過套衫先肯落街嘅狗主黎講，咁您一定會愛死26 Bars and a Band出品嘅伸縮狗帶，因為廠家鮮有地把不同的設計元素溶入外殼之中，由最傳統的Floral Pattern到近幾年好多朋友都喜歡的豹紋都有用到，梗有一款適合您，另外合乎人體工學的手把設計，就算狗主長時間使用亦不覺疲倦，而狗帶伸縮長度有兩款可供選擇，分別是9呎及15呎。
伸縮狗帶最大好處就是能給予狗狗最大的自由度跑跑跳跳，但又不失安全性，長短由狗主話事！亦都免卻舊式狗帶時常拖地的壞處。
讀者如對此貨品有興趣，請留言或電郵至bebe@lolo-studio.com查詢選購！